බත් දංකුඩ

දැනුණ කුසගිනි
නිවා ගන්නට
ජනේලෙන් එන
උණු බතේ සුවඳ
විඳ විඳ
බෙදාගෙන කමි
ඇතිළියෙහි
පතුළටම
කර වුණු
දංකුඩය

..

බිය නොවන්නැ යි කියා
හිස අතගාන
සෙනේ බර සුරතක්..
දැක පුරුදු මතක
ගොඩ අදින
හිතාදර දෑසක්..
නෙත පියෙන
මොහොත පුරවන
සොඳුරු ම මතක බිඳුවක්..
වැසී ගිය දොර පියන
පිටුපසින් ඇත
සැලෙන ළතැවෙන
සිත් හතරක් - පහක්..

ඉගිළ ගිය වරා මල වෙත - වරා ගස වෙතින්..

සිහිනයකි එ දවස
නුඹ පැලඳ මා හැඩ වුණ
මඳ සුළඟ හා මිතුරු ව
නුඹ ගියා නොපෙනෙන දුර
කටුක රළු පොළොවට
මුල් ඇදපු මම තනියම
අවු වැසි සුළං අදටත්
ඇත පෙර පුරුදු පරිදි ම
ඉර හෙට ද පායයි
නුඹ ගැන නිනව් නැතිවම